2013-09-05

展覽會のMiles Promotion

2009年11月4日至11月6日同一時間有3個fair ~ 香港國際美酒展、香港眼鏡展、香港國際醫療器材及用品展,玲子梗係唔錯過呢個一次過可以攞 250里 x 3 = 750里既機會,係6:30pm前趕到會場做登記 ~
殊不知........去到會展發覺3個fair既時間唔同,一個收6pm、一個收6:30pm、另一個收7pm,而當時已經係5:45pm.......玲子拿拿臨用9秒9時間上3樓去收6pm既fair先,去到問職員登記里數個counter係邊,佢話要落返去地下做check in ,oh my god!!!!!已經係5:50pm,重要落去check in,但為咗不枉此行,再用8秒8落去地下check in,去到職員話淨係海外買家先需要check in,香港買家直接到fair登記便可.........超級down..........down還down,都係要盡快行動,即刻抄底3個fair登記里數既booth no.3CA01、3FE31、3BE11
憑著呢幾個摩斯密碼,今次玲子要用3秒3去搵最近個fair登記 ~ 去到6pm見職員已準備執野收工,佢話需要一封登記信!無喎........要預先登記咩?唔係入場黎呢個counter登記就ok咩?!
玲子希望係佢搞錯,所以就去另一個fair再試試,同樣地佢地係個list度搵唔倒有登記既資料..............白行一趟呀!!
係呢度玲子給你一個忠告 ~
係每個展覽會舉行前,除咗攞入場証外,記緊係2個星期前預先係指定網頁辦理網上登記手續及帶備登記里數確認信!

到登記counter出示亞洲萬里通會員卡及個人名片辦理登記,以確認入場記錄及獲取展覽會之確認收條
詳情請到以下網址瀏覽...........
http://www.asiamiles.com/am/zh/earn/professional/detail?refID=f24bf19fa8dea110VgnVCM62000007d21c39RCRD
氣憤的玲子上
................原來亞洲萬里通既里數獎賞係唔可以同時與其他貿易發局推廣及同期展覽會既里數獎賞一併賺取..............而每家公司只有首位成功登記並獲發確認電郵之買家方可賺取里數獎賞.............即係點都係得250里.............

沒有留言:

張貼留言