好山好水台東遊(二)

0500於鹿野高台睇波波

每星期都有唔同既波波主題，前一個星期係憤怒鳥，8月尾有黑武士，粒粒玲子呢個星期最出名果個係~~~ Discovery Channel

睇完波波酒店先開始有早餐供應，大家去台灣應該成日會接觸倒有好多餸粥既配菜，鹿鳴酒店既配菜同其他酒店既選擇差不多，但味道特別好，超新鮮，粥以外也有好多食物，住得呢間酒店記住揀包埋早餐既PACKAGE，鹿鳴酒店既早餐係粒粒玲子暫時係台灣食過最好味既早餐

有機會黎呢間酒店可以試埋佢地既鳳梨酥，鳳梨果肉比一般鳳梨酥多，酥皮又鬆化，真的不錯啊~

check out後去咗同鹿嗚溫泉酒店好近既初鹿牧場
台東縣卑南鄉明峰村28鄰牧場1號

初鹿牧場產品奶味濃郁，係買手信既好地方~

原本見到初鹿牧場有好多大POSTER都係一個大草原上有好多隻牛牛休閒食草，BUT到現場時個草原一隻牛都無，全部係個牛欄入面，無得同牛牛影靚相唯有同啲草影相喇..........

200哩客家粄條於台東都幾出名，位於台東縣鹿野鄉瑞源村瑞景路8號，一入店無睇價錢就豪點~

個蒜泥白肉超正，蒜泥味道香味濃郁，恰到好處，涼伴過貓，每口都有淡淡既麻油香味，味道清爽，正！

粄條呢樣野 ~ 評語：可以一試 ~

越簡單既食物就越難做得好，黃記蒽油餅外皮Q中帶脆，入口不太油膩，再去台東的話都想再食多次

黃記蒽油餅
台東縣台東市南海路36號旁 (位置都幾偏僻，近海邊的啊~)

明天預計會去蘭嶼，今日先去富岡漁港探路，預備明早泊車過二晚夜，呢度有免費公共停車場，不過要睇下你好唔好運，有無位泊

如果無免費停車位，附近有寄車服務，寄車好處豈碼有條鏈鎖住，要偷車都難啲

因為樂知旅店爆滿，就住位於隔離既新宿時尚商旅
標準商務房+WIFI+早餐+泊車= NT$1980

 間房比起樂知細啲，停車場位於步行約10分鐘距離既廟宇旁

  

好山好水台東遊(一)

好山好水台東遊(三)